Askasi
Ticṛeṭ Fedora Kinoite deg unmager n udiwenni yebnan ɣef Discourse n Fedora d amkan igerrzen iwakken ad teqqneḍ d yiseqdacen d yimyettekkiyen nniḍen n Fedora Kinoite.
Fedora Kinoite tettwaḥrez sɣur KDE Special Interest Group (SIG) deg Fedora yerna d agemmuḍ n tdukli ger wumɣiwan n Fedora d KDE.
KDE SIG d amɣiwan yeldin yettnadin ɣef yimyettekkiyen seg yal amkan, d yal tawsit. Seg tira n wesfer, ɣer ukayad armitan, ɣer tallelt n wiyiḍ s tririt ɣef tuttriwin, llan aṭas n yiberdan iwakken ad tettekiḍ u ad tɛiwneḍ deg usileɣ n yimal n Kinoite!
Amɣiwan n KDE yesnulfu-d aseɣẓan yerna sɛan daɣen asebter n uttekki igebren aṭas n talɣut yelhan ɣef wamek ara tɛiwneḍ.
Ibuda n teywalt
Asqerdec
Tzemreḍ ad temmeslayeḍ d umɣiwan n Fedora Kinoite ɣef Matriks(Matrix) deg #kinoite:fedoraproject.org.
Iberdan n uttekki
Ineflayen
Fedora Kinoite tleḥḥu s kra n yisenfaren ifazen n uɣbalu yeldin, gar-asen ostree, rpm-ostree, d flatpak. Ma telliḍ d aneflay, xemmem ad tɛiwneḍ deg yiwen seg yisenfaren-a.
Imyura
Fedora Kinoite tessemras tatiknulujit taneggarut yelhan, yerna neḥwaǧ ad tt-nmel i waṭas n yemdanen! Ma tḥemmleḍ tira, attekki deg wesfer n tniritin tibelkimanin n Fedora ad iɛiwen wiyaḍ ad lemden amek i iteddu unagraw-nsen, d wayen akk ifazen i zemren ad t-xedmen yis-s.
Iseksaden
Tufiḍ-d kra ur nseggem ara? Tebɣiḍ ad d-tessumreḍ abeddel i wamek ileḥḥu Kinoite? Nebɣa ad nsel aɣbel-ik·im! Ṛuḥ ɣer uḍfaṛ n wuguren n KDE SIG u mel-aɣ-t-id.
Tasɣunt Fedora d asmel Web i d-ijemɛen imagraden n usmal d yimnaren iwezlanen i d-yefka umɣiwan ɣef yiseɣẓanen ilelliyen d uɣbalu yeldin itteddun neɣ ixeddmen d unagraw n wammud Fedora Linux.
Ablug n umɣiwan yettak-d aɣbalu asuf i yiɛeggalen n wemɣiwan iwakken ad bḍun isallen imeqqranen, imuccḍen, d talɣut ɣef Fedora akked wiyiḍ deg wemɣiwan n usenfar.